أجـمل ما قيل في -مـلك الإنسانية-:

يوم القصايد بين حاوي ومردود
جتني تدافع والخطاوي سريعة
نظمت منها عقود وعقود وعقود
واودعتها اللي ما يضيع وديعة
ويا خادم البيتين يا سيد الجود
يا حاكم الدولة بحكم الشريعة
انت الفخر والمجد بيديك معقود
ولامرك جموع الناس جاتك مطيعة
ويا وافي المدة ذرى كل مضهود
يا شامخٍ فيك التواضع طبيعة
شمخت بأفعالك وخلق الله شهود
وحصنت دارك بالحضون المنيعة
وسيفك لنشر الحق والعدل مجرود
يبتر يدين أهل المكر والخديعة
وبذلت في لمّ الشمل كل مجهود
ومبادراتك دايم ن فالطليعة
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأي بيعة
بيعة وفا ما بين سيد ومسيود
تجهر بها أصحاب النفوس الرفيعة
ودامك يا بومتعب على الأرض موجود
شعبك بخير وشوفتك هي ربيعة
ووقفتك سالم تروي كبود وكبود
وهي غاية الشعب السعودي جميعه
ويا الله يا رحمن يا خير معبود
يا باسط السبع الفجاج الوسيعة
تحفظ أبومتعب ذرى كل مضهود
اللي حكمنا بالعدل والشريعة

—————————-

سلام الله عليكم بابو متعب والسلام إسلام

تحية أمة محمد عليه ازكى الصلواتي

سلام الله على صقر العروبه حاكم الحكام

عدد ما تمطر مزون على جبال السرواتي

عدلت اوفيت يالحاكم وشعبك ارجهن ونام

عسى الله يحفظك ويمد في عمرك سنواتي

بشاير خير من يومك حكمت واثمرت في عام

بنيت بعام (بر) و(خير) في كل المجالاتي

تشيل هموم شعبك فطرة من خالق الانام

تشارك شعبك بهمه وطبعك بالمواساتي

تجير المستجير اليا نصاك بحاله المنظام

ويمسي ناسي همه وعايش بالمسراتي

حضنت الطفل والعاجز وعود بالي الهندام

حساني يابومتعب ما تسجل بالسجلاتي

مكارمك العظيمة يا بومتعب للشعوب عظام

تجير الجار وتغيث الدول في كل نكباتي

حكيم الراي في قولك وربك ملهمك الهام

تصرف حكمك بعقل فطين للسياساتي

وابشرك ان شعبك يابومتعب محتزم بحزام

يكيد الحاسد الحاقد وواقف للمهماتي

وابو خالد عضيدك يا بومتعب للعدا لطام

سند عز وسند خير وعطوف لليتيماتي

عسى ربي يديم العز في دار الكرام اعوام

وتبقى شامخ سالم لنا في كل الاوقاتي

الشاعر: نايف بن غزاي بن حليمه

—————————-

مال الحزن درب ٍ على عيالك مدام انك بخير
………. يا والدي والضيقه اللي كدرت خلّق الانام

تزورني في كل ليله وان غفت عيني عصيّر
………. احسها بنت ٍ تراودني وتحرمني المنام

لا شك لوعرق النسا به دم واحساس وضمير
………. مايبعدك عنا ويجعل يتمنا حزن وملام

والا النسا من كثر مايدعون لك صار الحرير
………. كرهاً عليهم واصبحوا من لوعة اوجاعك صيام

ياسيدي في قولتي ياسيدي شفني كبير
………. وشلون يصغر من تكون انت الولي به والامام

انت الذي كل مانطقت اسمه من الفرحه اطير
………. واحس لي جنحان تاخذني الى روس الغمام

من كثر حبي لك شكرت الله وسميت الصغير
………. بـ اسمك ويافخر الاسامي بالسلاطين الكرام

عبدالله اسمك وانت عبدالله ولكنك امير
………. امير ..! لا .. الا ملك لـ قلوبنا حرب وسلام

يا حاجة العاجز و يانور ٍ يشعشع للضرير
………. يا دعوة ام ٍ في صلاة العيد لـ اطفال ٍ يتام

والله لو انك تقول الموت قلنالك يصير
………. مانسئلك والموت من اجلك يكون ارقى وسام

رمحك وسيفك خنجرك درعك اذا اشتد الصفير
………. حنا وحنا شعبك الوافي ولا فيها كلام

وحنا نحدد وش نبي من باب تقرير المصير
………. ولانرتضي مجد ٍ ولا عزه اذا دون السنام

لك الولاء والسمع والطاعه على هدي النذير
………. عن جل شعبك يا حبيب الشعب يالشهم الهمام

انت المليك اللي يقود المؤمنين لكل خير
………. سلامتك وبصوتك واحد مالنا غيرك امام

الشاعر : علي البوعينين